Уртын дууч, уртын дуу судлаач М.Дорждагва, моринхуурч Б.Баттулга нар Монгол улсын хөгжмийн түүхэнд анх удаа есөн айзам уртын дууг яруу найргийн бүрэн эхээр нь, эртний ая аялгуугаар нь сэргээн дуулж, ширэн цартай хууртай хамсран хуурдаж бүтээжээ. Энэ цомогт:

1. ‘Эртний сайхан’ /Монголын Эзэнт гүрний сүлд дуулал/
2. ‘Түмэн эх’ /Төрийн наадмын магнай дуу/
3. ‘Хуур магнай’ /Эртний төрийн дуу/
4. ‘Дуртмал сайхан’ /Төрийн сүлд тэмдгийн магтуу дуу/
5. ‘Хэрлэнгийн бараа’
6. ‘Их Замбутивийн наран’ /Төрийн дуучдын хүндэтгэлт дуу/
7. ‘Асрын өндөр’ /Төрт ёсны наадмын дуу/
8. ‘Эрхэм төр’ /Төр шашны магтуу дуу/
9. ‘Энх мэндийн баяр’ /Хүндэтгэл найр цэнгүүний жаргаа дуу/ багтав.

Энэхүү цомгийг шоголд баринтаглан Монголын үндэсний Соёлын өвийн төвийн сан хөмрөгт хадгалуулсан бөгөөд Төрийн ордоны Төрийн түүхийн музейд ёсчлон залсан бий. Мөн Youtube дуу хөгжмийн сувагт ‘Монгол төрийн уртын дуу’ нэрэн дор бүх 9 дуу бүрэн эхээрээ тавигдсан байдаг билээ.